Galwedigaethol

Croeso i’r Adran Alwedigaethol

busnes_opt

Further Information

Staff yr Adran

  • Mrs Siân Taylor (Pennaeth Adran & Busnes)
  • Mrs Siân Jones (Gyrfaoedd)
  • Miss Iona Jones (Gyrfaoedd)
  • Miss Geinor Jones (Teithio & Thwristiaeth)
  • Miss Mattie Evans (Iechyd & Gofal)
  • Mrs Delyth Hallows (CASH)
  • Mrs Nerys Morgan (CASH)

Busnes

Mae’r cwrs Busnes yn cynnig golwg ffres i fyfyrwyr ar fyd Busnes. Mae arferion busnes sydd wedi hen ennill eu plwyf yn cael eu hystyried ochr yn ochr â thechnolegau a galwedigaethau mwy cyfoes gyda’r pwyslais yn cael ei roi ar gymhwyso sgiliau, gwybodaeth a dealltwriaeth.

Bydd disgyblion yn datblygu sgiliau a deallusrwydd mewn busnes a fydd yn eu galluogi i symud ymlaen i addysg uwch a gwaith mewn meysydd tebyg i Gyfrifeg, Marchnata, Personél, Rheolaeth ac Adwerthu

Cwrs TGAU

Uned 1 – Y Busnes a’r Amgylchedd – Bydd yr uned hon yn eich helpu chi i ddeall sut mae busnesau’n eu trefnu eu hunain er mwyn cyflawni eu nodau a’u hamcanion. Byddwch yn ymchwilio i sut mae perchnogaeth yn effeithio ar weithredu’r busnes. Byddwch yn archwilio busnesau sy’n cynhyrchu amrywiaeth o nwyddau a gwasanaethau gwahanol ac yn darganfod sut mae gweithgareddau busnes o’r fath yn newid yn y DU yn gyfan. Byddwch yn ymchwilio i feysydd swyddogaethol gwahanol fusnesau, sut maent yn effeithio ar ei gilydd a sut maent yn cyfathrebu.

Uned 2 – Cyllid Busnes a Phenderfyniadau – Byddwch yn edrych ar sut y gall busnesau fesur eu perfformiad drwy gadw cyfrifon a byddwch yn darganfod gwerth TGCh yn eu helpu nhw i reoli eu cyllid. Byddwch yn dysgu am systemau cofnodi syml, sut i ddehongli dogfennau ariannol a sut i nodi dewisiadau gwahanol i fusnesau wrth wynebu penderfyniadau ariannol.

Cwrs Lefel AS/A2

Mae’r cwrs yn un galwedigaethol felly bydd myfyrwyr yn ymchwilio a chwblhau tasgau gwaith cwrs perthnasol ar wahanol fusnesau.

Trefnir tiethiau addysgol a gweithgareddau allgyrsiol i atgyfnerthu’r dysgu yn y dosbarth.

Bydd disgyblion yn datblygu sgiliau craidd yn y meysydd canlynol:

  1. Cyfathrebu
  2. Datrys problemau
  3. Gwella addysg a pherfformiad
  4. Cymhwyso rhif
  5. Cydweithio
  6. Technoleg Gwybodaeth

Gwefannau Defnyddiol

Teithio & Thwristiaeth

Bydd myfyrwyr sy’n dilyn cwrs Hammden a Thwristiaeth yn cael eu hannog i ddatblygu eu gwybodaeth a’u dealltwriaeth o’r diwydiant hamdden a thwristiaeth tra hefyd yn datblygu eu hymwybyddiaeth a’u dealltwriaeth o ddatblygiad cynaliadwy a materion amgylcheddol.

Cwrs TGAU

Uned 1 – Yn yr uned yma, bydd disgwyl i’r disgyblion astudio ac ymchwilio i’r cyfleusterau a ddefnyddir gan bobl sy’n byw mewn ardal benodol i ddiben hamdden, yn ogystal â’r cyfleusterau a’r atyniadau a ddefnyddir gan dwristiaid sy’n ymwneud â’r ardal.

Uned 2 – Cyrchfannau Twristiaeth a Hamdden – Bydd y Disgyblion yn dysgu pam fod pobl yn teithio:

  • y dewis o’r wahanol fathau o drafnidiaeth sydd ar gael
  • y gwahanol fathau o gyrchfannau twristiaeth
  • y cyfleusterau sydd ar gael yn y cyrchfannau hynny
  • effaith twristiaeth ar yr ardaloedd hynny.

Cwrs AS/A2 –

Byddwch yn datblygu sgiliau a deallusrwydd mewn teithio a thwristiaeth a fydd yn eich galluogi i symud ymlaen i addysg uwch a gwaith mewn meysydd tebyg i Deithio, Twristiaeth, Marchnata a Rheolaeth.

Byddwch yn datblygu Sgiliau Craidd yn y meysydd canlynol:

  • Cyfathrebu
  • Datrys Problemau
  • Gwella eich addysg a pherfformiad
  • Cymhwyso rhif
  • Cydweithio
  • Technoleg Gwybodaeth

Gwefannau Defnyddiol

Iechyd & Gofal

Byddwch yn datblygu sgiliau a dealltwriaeth mewn iechyd a gofal a fydd yn eich galluogi i symud ymlaen i addysg uwch a gwaith mewn meysydd tebyg i’r canlynol: y Sector Iechyd, Nyrsio, Gwaith Cymdeithasol, Cymdeithaseg a Gofal Plant..

Cwrs TGAU

  1. Iechyd, Gofal Cymdeithasol a Gwasanaethau Plant – Bydd yr uned hon yn eich galluogi i ennill gwybodaeth a dealltwriaeth o’r prif ddarpariaethau iechyd, gofal cymdeithasol a gwasanaeth plant sydd ar gael i fodloni anghenion unigolion. Byddwch yn dysgu am anghenion gofal unigolion; mathau o wasanaethau gofal; y ffyrdd o gael gwasanaethau gofal a’r rhwystrau rhag mynediad; yn ogystal â dysgu am brif reolau gwaith a sgiliau pobl sy’n darparu gwasanaethau iechyd, gofal cymdeithasol a gwasanaethau plant.
  2. Twf a Datblygiad Dynol – I ddarparu gofal effeithiol, mae angen i weithwyr yn y gwasanaethau iechyd, gofal cymdeithasol a phlant wybod am y gwahanol ffyrdd y mae pobl yn tyfu ac yn datblygu yn ystod eu bywyd. Bydd yr uned hon yn caniatáu i chi ennill gwybodaeth a dealltwriaeth o’r broses twf a ddatblygiad dynol a’r gwahanol ffactorau sy’n gallu effeithio ar unigolion, yn ogystal â dysgu am y ffactorau sy’n effeithio ar dwf a datblygiad hunangysyniad, newidiadau bywyd a ffynonellau cefnogaeth.

Cwrs AS/A2

ydd cynnwys yr UG yn canolbwyntio ar anghenion unigolion a’r technegau a’r gwasanaethau proffesiynol sy’n anelu at gwrdd â’r anghenion hyn. Caiff ymgeiswyr eu hasesu yn y meysydd astudio canlynol:

  • Hawliau, cyfrifoldebau a gwerthoedd.
  • Cyfathrebu mewn lleoliadau gofal.
  • Iechyd a lles.

Bydd cynnwys U2 yn datblygu cynnwys yr UG trwy roi sylw i’r ffactorau a’r materion sydd ynghlwm wrth gyflwyno gwasanaeth. Caiff ymgeiswyr eu hasesu ar y meysydd astudio canlynol:

  • Darparu gwasanaeth a rolau ymarferwyr.
  • Deall ymddygiad dynol.
  • Eu gallu i dynnu agweddau o’r meysydd hyn ynghyd mewn amrywiaeth o gyd-destunau.

Gwefannau Defnyddiol

CACHE

Mae’r cwrs yn edrych ar wahanol agweddau o Ofal Plant. Byddwch yn astudio unedau sy’n cynnwys y canlynol:

  • Cyflwyniad i weithio gyda phlant
  • Datblygiad plant
  • Amgylchedd iach a diogel ar gyfer plant
  • Plant a chwarae
  • Sgiliau proffesiynol a chyfathrebu o fewn gofal ac addysg plant

Bydd y cwrs hefyd yn cynnwys cyfnod o brofiad gwaith mewn sefydliad Gofal ac Addysg Plant

Ysgol Bro Pedr

Teras Ffynnonbedr
Llanbedr Pont Steffan
Ceredigion
SA48 7BX

T: 01570 422214
E-bost: gweinyddu@bropedr.ceredigion.sch.uk

Llais Pedr

Llais Pedr